८ असार, काेहलपुर । बाँकेको नरैनापुर गाउँपालिका वडा नं. ४ बाट ५५ क्युफिट अबैध काठ वरामद गरिएको छ । भे२त १९४१ नम्वरको ट्याक्टरमा लोड गरेको अवस्थामा उक्त परिमाणको काठ बरामद गरिएको हो । काठ लोड गरेको ट्याक्टरलाई नियन्त्रणमा लिईएको भएपनि काठ तस्कर भने फरार रहेको बताईएकाे छ ।

नरैनापुर ४ मा रहेको सदावहार सामुदायिक बनबाट तस्करहरुले सो परिणामको काठ रातिको समयमा चोरी गरि राप्तिसोनारी ६ तर्फ लैजाँदै गर्दा उक्त सदावहार सामुदायिक वन उपभोक्ता समुहका पदाधिकारीहरुले राती नै काठ लोड गरेको ट्याक्टर नियन्त्रणमा लिएका थिए ।

यस समवन्धमा सामुदायिक वन तथा समवन्धित निकाय एवं प्रहरीविच समन्वयात्मक अनुसन्धान भईरहेकाले विस्तृत विवरण आउन बाँकी छ ।