१२ बैशाख, काठमाण्डौं । माध्यमिक शिक्षा परीक्षा ९एसईई० का लागि रजिष्ट्रेसन फाराम खुलेको छ । राष्ट्रिय परीक्षा बोर्ड, परीक्षा नियन्त्रण कार्यालयले शैक्षिक सत्र २०८२ को एसईई परीक्षामा समावेश हुनका लागि फाराम खुलेको जानकारी गराएको छ ।

कक्षा १० मा नियमित विद्यार्थीका रुपमा अध्ययनरत साधारण, परम्परागत तथा प्राविधिक धारतर्फका विद्यार्थीलाई आगामी जेठ ११ गतेसम्म फाराम बुझाउन भनिएको छ । रजिष्ट्रेशन फाराम दस्तुर तीन सय रुपैयाँ तोकिएको छ ।

दोब्बर दस्तुर ६ सय तिरेर जेठ १८ गतेसम्म फाराम बुझाउन सकिने छ । कार्यालयले रजिष्ट्रेशन फाराम भराउने कार्यमा सहजीकरण गर्न स्थानीय तहका शिक्षा महाशाखा, शाखा, शिक्षा विकास तथा समन्वय इकाई र शिक्षा विकास निर्देशनालयलाई निर्देशनसमेत दिएको छ ।