२२ चैत्र, नेपालगन्ज । नेकपा माओवादी केन्द्रका अध्यक्ष पुष्पकमल दाहाल प्रचण्डले बाँके र बर्दियाका शहिद परिवार र बेपत्ता पारिएका नागरिकका परिवारसँग भेट गरेका छन ।

पार्टीले संचालन गरेको तराई-मधेष जागरण अधियानका क्रममा बर्दिया पुगेका अध्यक्ष प्रचण्डले शुक्रबार जनयुद्धका क्रममा राज्यद्वारा बेपत्ता पारिएका कृष्ण प्रसाद थारुको शालिक अनावरण गर्नुका साथै उनकी छोरी जानकी चौधरी अर्चनाको परिवारसँग भेट गरेका हुन ।

पुर्वप्रधानमन्त्री समेत रहेका प्रचण्ड शुक्रबार बिहान जनयुद्धमा तत्कालीन राज्य पक्षबाट बेपत्ता पारिएका शिवचरण थारूको घर बर्दियाको जगतिया पुगेका थिए । प्रचण्ड सहितको टोलीले बेपत्ता थारूको परिवार तथा स्थानीय जनतासँग बसेर बिहानको खाजा (नास्ता) को रूपमा कमलको फूलको पातमा थारु जातीको परिकार ढिग्री खाएका थिए ।

यसअघि बिहिबार प्रचण्ड सहितको टिमले बाँकेका शहीद परिवार, घाइते, अपाङ्ग, स्थानीय नेता तथा कार्यकर्तासँग भेट गरेका थिए ।