४ चैत्र, काेहलपुर । बाँके राप्ती सोनारीमा रहेको जन सिद्धेश्वर बहुमुखी क्याम्पसको स्वतन्त्र विद्यार्थी युनियनको निर्वाचन अन्तिम समयमा स्थगित भएको छ । माओवादी निकट विद्यार्थी सङ्गठन अखिल क्रान्तिकारीको विरुद्ध नेपाली काँग्रेस निकट नेविसंघ र एमाले निकट विद्यार्थी सङ्गठन अखिल प्यानल बनाएर निर्वाचनमा होमिएको भएपनि नेविसंघ र अखिलको अवरोधका कारण निर्वाचन अन्तिम समयमा स्थगित भएको हो ।
नेविसंघ र अखिलले गठबन्धन गरेर चुनाव लड्दा समेत हार्ने निश्चित भईसके पछि निर्वाचन भाँडेको अखिल क्रान्तिकारीले बताएको छ । अखिल क्रान्तिकारीको तर्फबाट अध्यक्षकी उम्मेदवार माया थारूले दाबी विरोध लगायत सम्पूर्ण प्रक्रिया पुरा भईसकेको तथा विधिसम्वत् तवरले रजिष्ट्रेसन फर्म भरेर भर्ना भएका विद्यार्थीलाई फर्जी विद्यार्थीको अनावश्यक आरोप लगाइएको बताइन । उनले अविलम्ब तोकिएकै मितिमा निर्वाचन गर्नुपर्ने समेत माग गरिन ।
सयुक्त प्यानल बनाएका अखिल र नेविसंघले मतदाता नामावली फर्जी नामावली समावेश गरिएको आरोप लगाएका छन ।
निर्वाचन अधिकृत सोमनाथ थारूले नामावलीका विषयमा विवाद भएपछि निर्वाचन स्थगित गरिएको बताए ।
