१० माघ, काेहलपुर । बाँके कोहलपुरका युवा अर्विन चन्द ठकुरी हिमालय रोडिज सिजन-६ को फाइनल प्रतिष्पर्धा गर्ने भएका छन् ।
माघ १४ गते जंगलमा हुने फाइनलमा कडा मेहनतका साथ प्रतिष्पर्धा गर्ने भएका हुन् । सेमिफाईनलसम्मको यात्रामा उल्लेखनीय प्रदर्शन गरिरहेका चन्द फाईनल यात्राको तयारीमा छन् । उदाहरणीय प्रतिभाको परिचय दिदैं चन्दले साहस, धैर्यता र लगावका कारण हिमालय रोडिज सिजन-६ को सेमिफाइनलसम्मको यात्रामा उल्लेखनीय प्रदर्शन गरेका हुन् । कोहलपुर, बाँकेबाट सुरु भएको उनको यात्रा देशभरका युवाहरूका लागि प्रेरणाको स्रोत बनिरहेको छ ।
चन्द प्रभावशाली मोटोज भ्लगर र कुशल बाइक स्टन्टर हुन् । रोडिजको चुनौतीपूर्ण र साहसिक यात्रामा उनले विभिन्न कठिन परिस्थितिहरूको सामना गर्दै आफ्नो क्षमताको परिचय दिएका छन् । रोडिजको फाइनल प्रतिस्पर्धाले उनको यात्रा अझ रोमाञ्चक रहनेछ ।
१० माघ २०८१, बिहीबार ०८:२० प्रकाशित
