२४ कात्तिक, काठमाडौं । नेपाल क्रिकेट संघ (क्यान) ले हेमन्त धामीको कप्तानीमा यु-१९ टोली घोषणा गरेको छ। एसिया कप खेल्नका लागि क्यानले धामीको कप्तानीमा १८ सदस्यीय टोली घोषणा गरेको छ।

यसअघि देव खनाल यु-१९ का कप्तान थिए। उनी निरन्तर सिनियर टोलीमा खेल्न थालेपछि धामीलाई कप्तानीको जिम्मा दिइएको हो।

त्यस्तै अर्जुन कुमाललाई उपकप्तानको जिम्मेवारी दिइएको छ। टोलीमा आकाश त्रिपाठी, उत्तम रांगु थापा मगर, मयन यादव, नरेन साउद, युनिश विक्रम सिंह ठकुरी, नरेन भट्ट, सन्तोष यादव, युवराज खत्री, रोशन विश्वकर्मा, विपीन कुमार महतो, राजेश यादव, दयानन्द मण्डल, अप्राजित पौडेल, अभिषेक तिवारी, दिलसाद अलि र रन्जित कुमार रहेका छन्।

त्यस्तै यु-१९ को मुख्य प्रशिक्षकमा शक्ति गौचनलाई नियुक्त गरिएको छ। सहायक प्रशिक्षक भने धीरेन्द्र चन्दलाई नियुक्त गरिएको क्यानले जनाएको छ।