८ कात्तिक, काठमाडौं। साफ वुमन्स च्याम्पियनसीपमा नेपालले श्रीलंकामाथि शानदार जित निकालेको छ । यससँगै नेपाल समूह विजेता बन्दै सेमिफाइनल चरणमा प्रवेश गरेकाे छ ।

त्रिपुरेश्वरस्थित दशरथ रंगशालामा भएको खेलमा नेपालले श्रीलंकालाई ६-० ले हराएको हो । अघिल्लो खेलमा भुटानले माल्दिभ्सलाई १३-० ले हराएकाले नेपाललाई समूह विजेता हुन कम्तिमा ६-० को जित चाहिएको थियो ।

अतिरित्त समयमा रश्मी केसीले गोल गर्दै नेपाललाई ६-० कै जित दिलाइन् । याे जितसँगै समूह विजेता बन्दै नेपाल सेमिफाइनलमा पुगेकाे छ भने समूह उपविजेता भएकाे भुटानले पनि सेमिफाइनलमा स्थान बनाएकाे छ ।