१६ असोज, नेपालगन्ज । बाँकेको नेपालगञ्जबाट लागुऔषध ब्राउनसुगर सहित २ जना पक्राउ परेका छन् ।
लागुऔषध नियन्त्रण व्यूरो महेन्द्रनगर कञ्चनपुर, व्युरो नेपालगंज र जिल्ला प्रहरी कार्यालय बाँकेबाट खटिएको संयुक्त प्रहरी टोलिले नेपालगन्ज उप-महानगरपालिका वडा नं। २० राँझाबाट ९९ ग्राम लागूऔषध ब्राउनसुगरसहित २ जनालाई पक्राउ गरेको हो ।
राँझा स्थित लाल चन्द्र कामीको डेराकोठामा खानतलासी गर्ने क्रममा भारत रुपैडिया बस्ने राहुल शुक्लाको पाईन्टको दायाँ खल्तीबाट प्लाष्टिकको दुई पोका लागुऔषध ब्राउनसुगर फेला पारी पक्राउ गरिएको प्रहरीले जानकारी दिएको छ ।
सोही कोठामा रहेको खाटमा लागु औषध व्राउन सुगर तौल गर्न प्रयोग गरिने डिजिटल तराजु १ थान समेत प्रहरीले बरामद गरेको छ।
दुवैजनालाई पक्राउ गरी आवश्यक कारबाहीका लागि कानूनी प्रक्रिया अगाडी बढाईएको प्रहरीले जनाएको छ।
१६ आश्विन २०८१, बुधबार १५:३६ प्रकाशित
