१३ भदौ, कोहलपुर । बिहिबार बिहान कोहलपुर-नेपालगन्जमा भएको सवारी दुर्घटनाका मृतकको पहिचान खुलेको छ ।
दुर्घटनामा दाङ तुलसीपुरका २४ वर्षीय सन्तोष भुसाल र ६० वर्षीय मानबहादुर वलीको मृत्यु भएको जिल्ला प्रहरी कार्यालय बाँकेका प्रवक्ता डिएसपी नारायण डाँगीले जानकारी दिए । भुसाल बसका सहचालक हुन्। दुवै जनाको उपचारका क्रममा भेरी अस्पताल नेपालगन्जमा मृत्यु भएको डाँगीले बताए ।
डिएसपी डाँगीका अनुसार दुर्घटनामा २७ जना घाइते भएका छन् । उनीहरूमध्ये भेरी अस्पतालमा ५ जना र नेपालगन्ज मेडिकल कलेजमा थप घाइतेको उपचार भइरहेको छ । घाइृतमध्य एक जना डिस्चार्ज भइसकेका छन्।
दाङबाट नेपालगन्ज तर्फ जाँदै गरेको भे १ ख २१२८ नम्बरको बस कोहलपुर-नेपालगन्ज सडक खण्ड अन्तर्गत जानकी गाउँपालिका-६ कोठारपुर (गनापुर) मा अनियन्त्रित भई बिहीबार बिहान सवा ११ बजे दुर्घटना भएको थियो ।
डिएसपी डाँगीका अनुसार तीब्र गतिको बसको पट्टा भाँचिएपछि अनियन्त्रित भइ बस सडक खण्डमै पल्टिएको थियो । चालक प्रहरीको नियन्त्रणमा छन्।
१३ भाद्र २०८१, बिहीबार १५:२७ प्रकाशित
