१३ भदौ, कोहलपुर । बाँकेको गनापुरमा भएको सडक दुर्घटनामा दुई जनाको ज्यान गएको छ । बिहिबार बिहान कोहलपुर-नेपालगन्ज सडकखण्ड अन्तर्गत गनापुरमा यात्रुबहाक बस दुर्घटनामा परेको थियो ।
दाङबाट नेपालगन्जतर्फ जाँदै गरेको भे १ ख २१२८ नम्बरको बस अनियन्त्रीत भई पल्टीएको प्रहरीले जनाएको छ । दुर्घटनामा २७ जना घाइते भएका छन । घाइते मध्य २१ जनाको भेरी अस्पतालमा, ५ जनाको कोहलपुर स्थित मेडिकल कलेजमा र १ जनाको नेपालगञ्ज नर्सिङ होममा उपचार भइरहेको बाँके प्रहरी प्रवक्ता डिएसपी नारायण डाँगीले बताए ।
मृतकको नाम भने नखुलेको डाँगीले जानकारी दिए ।
स्थानियका अनुसार गनापुरस्थित नमस्ते रिसोर्ट अगाडिको सडक क्रस गर्न लागेको मोटरसाईकललाई बचाउने क्रममा बस दुर्घटनामा परेको थियो ।
१३ भाद्र २०८१, बिहीबार १३:१० प्रकाशित
