१० भदौ, तौलिहवा । सुर्खेतबाट नारायणघाटतर्फ जाँदै गरेको बस कपिलवस्तुको शिवराज नगरपालिका-१ बनकसबासामा दुर्घटना भएको छ । दुर्घटनामा २६ जना घाइते भएका छन् ।
जिल्ला प्रहरी कार्यालय कपिलवस्तुका प्रहरी नायब उपरीक्षक हरिबहादुर वलीका अनुसार सुर्खेतबाट नारायणघाटतर्फ जाँदै गरेको लु १ ख १५९८ नम्बरको बस बनकसबासामा दुर्घटना भएको हो ।
बसमा सवार २६ जना घाइते भएको उनको भनाइ छ । घाइतेको चन्द्रौटास्थित विभिन्न अस्पतालमा उपचार भइरहेको प्रहरी उपरीक्षक ववलीले बताए ।
दुर्घटनाको विस्तृत विवरण आउन बाँकी छ ।
१० भाद्र २०८१, सोमबार १६:२८ प्रकाशित
