३ भदाै, नेपालगन्ज । बाँकेकाे नेपालगन्ज रंगशालामा निर्माण गरीएकाे सेन्थेटिक ट्रयाक उप्किएकाे विषयमा अध्ययनसँगै बिस्तृत छानबिनका लागि राष्ट्रिय खेलकुद परिषद्ले छानबिन समिति गठन गरेको छ । राखेपका सदस्य लेख बहादुर क्षेत्रीको संयोजकत्वमा खेल विज्ञ तथा एथलेक्टिक्स प्रशिक्षक चन्द्र बहादुर गुरुङ्ग र राखेपका इन्जिनियर पूर्ण बहादुर सुन्दास सदस्य रहेको छानबिन समिति गठन गरेको हो ।
आइतबार भएको राखेप सदस्य सचिव स्तरीय निर्णयबाट बनेको क्षेत्री संयोजकत्वको अध्ययन समितिले तीन दिनभित्र राखेपलाई प्रतिवेदन पेश गर्नुपर्नेछ ।
छानविन समितिका संयोजक क्षेत्रीले मंगलबारदेखि सेन्थेटिक ट्रयाककाे प्राविधिक अध्ययन गरीने बताए । उनले निर्धारित समयमै विस्तृत अध्ययन सहितको प्रतिवेदन राखेपमा बुझाउने बताए ।
