२५ साउन, बर्दिया । बर्दियामा बाघकोआक्रमणमा परी एक युवा घाईते भएका छन । बारबर्दिया नगरपालिका ९ बैदी चोक नजिकको मध्यवर्ती क्षेत्रमा बाघको आक्रमणमा परी स्थानीय चन्द्र बहादुर कसेरा गम्भीर घाईते भएका हुन ।
च्याउ टिप्न गएको समयमा शुक्रबार बिहान कसेरालाई बाघले आक्रमण गरेको थियो । उनको अनुहारमा गम्भीर चोट लागेको छ ।
बर्दिया राष्ट्रिय निकुन्जका प्रमुख संरक्षण अधिकृत डा. अशोक कुमार रामले निकुन्जको मध्यवर्ती क्षेत्रमा च्याउ टिप्न गएका बेला बाघुले आक्रमण गरेको पुष्टि गरेका छन् ।
घाईते युवालाई उपचारकालागि भेरी अस्पताल नेपालगन्ज लगिएको छ । यसअघि पनि त्यस क्षेत्रमा बाघले आक्रमण गरेको थियो ।
जंगलमा घाँस दाउरा गर्न तथा च्याउ टिप्न जाने क्रम नरोकिएका कारण बाघले आक्रमण गरेका घटना बर्दियामा दोहोरिदै आएका छन् ।
२५ श्रावण २०८१, शुक्रबार १६:५१ प्रकाशित
