२२ जेठ, कोहलपुर । मंगलबार बाँकेको कोहलपुर र बर्दियाको बाँसगढीमा भएका छुट्टाछुट्टै सडक दुर्घटनामा एक जनाले ज्यान गुमाएका छन भने अन्य ३ जना घाईते भएका छन ।
कोहलपुर नगरपालिकाको कार्यालय नजिकै बोलेरोले ई-रिक्सालाई ठक्कर दिँदा ३ जना घाइते भएका हुन । दुर्घटनामा अटो चालक नेपालगन्ज २२ बस्ने वर्ष २० वर्षका इजराय खान, अटोमा सवार कोहलपुर २ बस्ने वर्ष ३० की बिजुली शाही र सोही ठाउँ बस्ने वर्ष ११ को सौगात सिंह घाइते भएका हुन् ।
कोहलपुर सुर्खेत सडक खण्डमा नेपालगन्ज देखि बानियाभर तर्फ जाँदै गरेको लु३च ८६२९ नम्बरको बोलेरो र बिपरीत दिशाबाट आउँदै गरेको ने१ह ३४१० नम्बरको ई रिक्सालाई ठक्कर दिएको थियो ।
घाइतेहरुको अवस्था सामान्य रहेको र घटना सम्बन्धमा थप अनुसन्धान भइरहेको प्रहरीले जनाएको छ।
त्यसैगरी बर्दियाको बाँसगढी नगरपालिका वडा नम्बर ३ लखना स्थित पूर्वपश्चिम राजमार्ग अन्तर्गत पश्चिमबाट पूर्व तर्फ जाँदै गरेको लु प्र ०३००१ ख ००३८ नम्बरको हाईस गाडीले साइकल यात्रीलाई ठक्कर दिएका छ । ठक्करबाट बाँसगढी नगरपालिका वडा नम्बर ७ डेउढाकला बस्ने वर्ष ६५ का गदुल थारुको मृत्यु भएको छ ।
गम्भीर घाइते भएका थारुलाई उपचारका लागि कोहलपुर मेडिकल कलेजमा ल्याइएकोमा उपचारका क्रममा उनको मृत्यु भएको प्रहरीले जनाएको छ।
गाडी चालक कैलाली गोदावरी ७ बस्ने वर्ष ४० को कृष्ण बहादुर दमाईलाई नियन्त्रणमा लियर थप अनुसन्धान अगाडी बढाईएको प्रहरीले जनाएको छ ।
२२ जेष्ठ २०८१, मंगलवार १७:४८ प्रकाशित
