३० चैत, कोहलपुर । सडक दुर्घटनामा परी वागेश्वरी बहुमुखी क्याम्पसका प्रध्यापकको मृत्यु भएको छ ।
बाँकेको बैजनाथ गाउँपालिका वडा नम्बर ६ गैर चोक नजिकै दुई वटा मोटसाइकल एकआपसमा ठोकिँदा कोहलपुर ८ पिपिरी बस्ने वर्ष ४५ का हरी प्रसाद अधिकारीको मृत्यु भएको हो । हरी प्रसाद अधिकारी कोहलपुर स्थित बागेश्वरी बहुमुखी क्याम्पसका अंग्रेजी विषयका प्राध्यापक हुन ।
शुक्रबार पश्चिमबाट पूर्व तर्फ आइरहेको भे ११ प ५२२१ नम्बरको मोटरसाइकल र पूर्वबाट पश्चिम तर्फ गइरहेको भे ७ प ९२०९ नम्बरको मोटरसाइकल एकआपसमा ठोक्किएका थिए ।
सोही दुर्घटना परी अर्का मोटरसाइकल चालक बर्दियाको बारबर्दिया नगरपालिका १ बस्ने वर्ष ३४ को धन सिंह बूढा घाइते भएका छन् । उनको उपचार भईरहेको प्रहरीले जनाएको छ ।
३० चैत्र २०८०, शुक्रबार १८:११ प्रकाशित
