२४ चैत्र, कोहलपुर । बाँकेको कोहलपुरमा रुखबाट लडेर एक व्यक्तिको मृत्यु भएको छ । कोहलपुर नगरपालिका वडा नं. १३ भरैया बाख्लो जामुना बस्ने वर्ष ६६ का जित बहादुर पुलामी मगरको रुखबाट लडेर ज्यान गएको हो ।

घाँस काट्न रुखमा चढेका मगर खुट्टा फुस्किएर तल खसेको वडा सदस्य बलु घर्तिले जानकारी दिए ।

घाँस काट्न गएका मगर रुखबाट खसेको थाह पाउने बित्तिकै छिमेकिहरुले उद्धार गरेर अस्पताल लैजाने क्रममा बाटोमै उनको मृत्यु भएको घर्तीले बताए ।

मगरको शव अहिले पोष्टमार्टमको लागि नेपालगन्जस्थित भेरी अस्पतालमा राखीएको छ ।