१९ फागुन, काठमाण्डौं । त्रिकोणात्मक टि२० सिरिजको पाँचौ खेलमा नेदरल्यान्ड्सविरुद्ध बलिङ गरीरहेको नेपालले पहिलो ओभरमै दुई विकेट हात पारेको छ । पहिलो ओभर बलिङ गर्न अएका नेपालका फास्ट बलर करण केसीले आफ्नो पहिलो ओभरमै दुई विकेट लिएका छन ।
पहिलो ओभरमा ४ रन खर्चेर करणले नेदरल्याण्ड्सका ओपनर मिकेल लेभिटलाई दिपेन्द्रसिंह ऐरीको हातबाट क्याचआउट गराए । चौथो बलमा मिकेललाई आउट गरेका करणले अन्तिम बलमा साइब्राण्ड इंगेलब्रेक्टलाई विकेट किपर आसिफ शेखको हातबाट क्याच आउट गराए ।
नेदरल्यान्ड्स अहिले २ विकेटको क्षतीमा ११ रन बनाएर खेलिरहेको छ ।
आजको खेलमा नेपालले जित हासिल गरे फाइनलमा स्थान बनाउने बलियो सम्भावना हुनेछ । हारको खण्डमा भने भोली हुने नेदरल्यान्ड्स र नामिबियाको नतिजा पर्खनुपर्नेछ ।
१९ फाल्गुन २०८०, शनिबार ११:४३ प्रकाशित
