१४ फागुन, काेहलपुर । काेहलपुरका किरण नाला नजिकै भएका सवारी दुर्घटनामा परी एक जनाकाे ज्यान गएकाे छ । आईतबार दिउँसो काेहलपुर-४ किरण नाला नजिकै भे १ ज १२०७ नम्बरको म्याजिक भ्यान पल्टिएकाे थियाे ।

बर्दियाको बाँसगढीबाट नेपालगञ्ज तर्फ आउदै गरेकाे म्याजिक भ्यान पल्टिँदा गम्भीर घाईते भएकी कोहलपुर ३ मदनचोक निवासी ८१ वर्षिय बृद्धा कौशिल्या शाहिको उपचारका क्रममा सोमबार बिहान मृत्यु भएकाे प्रहरीले जनाएकाे छ ।

ओभर स्पिडमा रहेको म्याजिक सडकबाट खेतको खाल्टोमा खस्दा गाडिमा सवार ८ जना घाईते भएका थिए । घाइतेहरुलाई उपचारका लागि नेपालगन्ज मेडिकल कलेज शिक्षण अस्पताल कोहलपुर पठाईएको भएपनि थप उपचारकालागि शाहिलाई नेपालगञ्ज नर्सिङ होम लगिएकोमा उपचारकै क्रममा उनको निधन भएको प्रहरीले जनाएकाे छ । अन्यको अवस्था सामान्य रहेको र उपचार भईरहेको प्रहरीले जनाएको छ ।

म्याजिक चालकलाई प्रहरीले नियन्त्रणमा लिएर घटनाको अनुसन्धान गरिरहेको बताईएको छ ।