२६ माघ, नेपालगन्ज । सहकारी ठगी मुद्दाका एक अभियुक्तलाई कतारबाट पक्राउ गरी नेपाल ल्याइएको छ । नमस्ते बचत तथा ऋण सहकारी संस्थाका प्रबन्धक ३८ वर्षीय गणेश सिजापतिलाई इन्टरपोलमार्फत नेपाल झिकाईएकाे हाे ।
सहकारी ठगीमा फरार रहेका नेपालगन्ज उपमहानगरपालिका-४ गणेशपुरका सिजापतिलाई प्रहरीले कतारबाट पक्राउ गरेर नेपाल ल्याएको हो ।
काठमाडौंको तिनकुनेस्थित नमस्ते बचत तथा ऋण सहकारी संस्थाका प्रबन्धक सिजापतिविरुद्ध इन्टरपोलबाट रेड नोटिस जारी भएको थियो । इन्टरपोलको सहयोग र कतार प्रहरीसँगको समन्वयमा उनलाई नेपाल ल्याइएको नेपाल प्रहरीले जनाएको छ ।
२६ माघ २०८०, शुक्रबार २१:२० प्रकाशित
