१३ माघ, बर्दिया । बर्दियामा एक पुरूष मृत अवस्थामा फेला परेका छन्। राजापुर नगरपालिका-१० स्थित मझेरा जाने झोलुङ्गेपुलमुनि शनिबार दिउँसो साढे १ बजे एक पुरूषको शव भेटिएको बर्दिया प्रहरीले जानकारी दिएको छ।
मृतक मधुबन नगरपालिका-२ ओराली बजारका ३५ वर्षीय सरोजकुमार सुनार रहेको बर्दियाका प्रहरी प्रवक्ता डिएसपी तुलसीराम अर्यालले जानकारी दिए। अहिले शव पोष्टमर्टमका लागि पठाइएकाले रिपोर्टपछि थप कुरा खुल्ने डिएसपी अर्यालले बताए ।
शंकास्पद ४ जनालाई नियन्त्रणमा लिएर घटनाबारे सोधपुछ भइरहेको डिएसपी अर्यालले जानकारी दिए।
१३ माघ २०८०, शनिबार १६:५१ प्रकाशित
