११ माघ, काेहलपुर । बाँकेकाे काेहलपुर-नेपालगन्ज सडकखण्डमा सडक दुर्घटना हुँदा एक जनाकाे ज्यान गएकाे छ । बिहिबार बिहान कोहलपुर-१४ हवल्दारपुर नजिकै ट्रक र मिनी बस एक आपसमा ठाेक्किएर दुर्घटना हुँदा रुपन्देहीको देवदह-६ खैरेनीका ३५ वर्षीय रामकृष्ण गोतामेकाे निधन भएकाे हाे ।
बिहान ७ बजेको समयमा नेपालगञ्जबाट जाजरकोट जाँदै गरेको भे १ ख ४०३३ नम्बरको मिनीबस र न ५ ख ८५६६ नम्बरको ट्रक आपसमा ठोक्किएकाे प्रहरीले जनाएकाे छ ।
उक्त ठक्करबाट ट्रकका साहु समेत रहेका गोतामेको मृत्यु भएको हाे ।
मिनीबसमा सवार जिल्ला पश्चिम रुकुम सानोभेरी गाउँपालिका ३ चौकी बस्ने लोकेन्द्र विक र उनका श्रीमती रमकला विक घाइते भएका छन् ।
मृतककाे शव शवगृहमा राखिएको र घटना सम्बन्धमा थप अनुसन्धान भइरहेको प्रहरीले जनाएको छ।
तस्बिर: बिकल भट्टराई
११ माघ २०८०, बिहीबार ०९:५७ प्रकाशित
