२६ पुष, कोहलपुर । कोहलपुर सुर्खेत सडकखण्ड अन्तर्गत बबईमा फोर्स गाडी दुर्घटना भएको छ । सुर्खेतबाट नेपालगञ्जतर्फ आउँदै गरेको भे १ ख ३६३० नम्बरको गाडी अनियन्त्रित भई पल्टीएको स्थानियले बताएका छन ।
सुर्खेत भेरिगंगा नगरपालिका वडा नम्बर ५ बबई नजिकै भएको दुर्घटनामा परी गाडीमा सवार एक यात्रीको मृत्यु भएको छ । मृत्यु हुनेमा बारबर्दिय नगरपालिका ११ विजयनगर बस्ने वर्ष २३ का रोशन चौधरी रहेको प्रहरीले जनाएको छ ।
बेलुका ४ बजेको समयमा भएको दुर्घटनामा चालक सहित गाडीमा सवार अन्य २५ यात्रु घाईते भएका छन । घाइतेहरुलाई उपचारकालागि शिक्षण अस्पताल कोहलपुर ल्याईएको छ ।
घाईतेमध्ये ३ जनाको अवस्था गम्भीर रहेको प्रहरीले जनाएको छ ।
२६ पुष २०८०, बिहीबार १८:०४ प्रकाशित
