१५ चैत्र २०८०, बिहीबार
त्रिभुवन अन्तर्राष्ट्रिय विमानस्थल सूचारु, २५ मिनेटसम्म धावन मार्ग अवरुद्ध
  • काँचुली खबर

काठमाडौं – त्रिभुवन अन्तर्राष्ट्रिय विमानस्थलको धावन मार्गमा चिरा परेपछि अवरुद्ध भएको विमानस्थल सूचारु भएको छ ।

धावन मार्गको समस्या समाधान गरिएपछि विमान अवतरण सूचारु भइसकेको नागरिक उड्ययन प्राधिकरणका अधिकृत केशव भट्टराईले बताए । ‘धावन मार्ग पुरानो भएकाले यस्तो समस्या देखिइरहन्छ, अहिले सूचारु भइसक्यो,’ उनले भने । उनका अनुसार धावन मार्गमा समस्या देखिँदा २०–२५ मिनेट विमानस्थल प्रभावित भएको थियो ।

धावन मार्ग अवरुद्ध हुँदा विमान उडान र अवतरण प्रभावित भएको थियो । अवतरण गर्ने क्रममा रहेका केही विमानले आकाशमै फन्को लगाएका थिए भने केहीलाई नजिकको विमानस्थलमा पठाइएको थियो । २ वटा विमानलाई सिमरा विमानस्थलमा जान निर्देशन गरिएको थियो । विमानस्थल सूचारु भइसकेकाले अब सबै विमान फर्किन शुरू भइसकेको अधिकृत भट्टराईले बताए ।

  • ५ श्रावण २०७५, शनिबार १४:५४ प्रकाशित
  • Nabintech