४ भदौ, कोहलपुर । उदयमान शहरका रुपमा बिकास हुँदै गरेको कोहलपुर वर्षेनी डुबानमा पर्दै आएको छ । उचित निकास नहुँदा छिनभरकै वर्षामा समेत कोहलपुरका मुख्य क्षेत्र जलमग्न हुने गरेका छन ।

सोमबार बिहान परेको पानीका कारण कोहलपुरको न्यूरोड, गोलपार्क, पुरानो बसपार्कसहित बिभिन्न क्षेत्र जलमग्न भएका छन । कोहलपुर नगरपालिकाले नाली निर्माणमा वर्षेनी करौडौ खर्च गर्दै आएको भएपनि उचित निकास नहुँदा वर्षेनी डुब्न बाध्य छ कोहलपुर ।

कोहलपुरको मुटुमा रहेको गोलपार्क सामान्य वर्षामा समेत डुबानमा पर्ने गरेको छ । यसका अलावा कोहलपुर नगरपालिका १, २, १४, ८, ९ र १० वडामा समेत डुवान भएको स्थानियले बताएका छन ।

तस्बिर : बिकल भट्टराई