१४ साउन, कोहलपुर । बाँकेको राप्तीसोनारी गाउँपालिका-६ मा मोटरसाईकलको ठक्करबाट एक बालकको मृत्यु भएको छ । आईतबार दिउँसो नम्बर नखुलेको एक मोटरसाइकलले ठक्कर दिँदा तीन वर्षीय बालकको मृत्यु भएको हो ।

सिद्देश्वर क्याम्पस नजिकै आइतबार बिहान अन्दाजी साढे १० बजेको समयमा नम्बर नखुलेको मोटरसाइकलले ठक्कर दिँदा राप्ती सोनारी-६, हब्रहवाका तीन वर्षीय बालक श्रीयङ्स बुढाको मृत्यु भएको इलाका प्रहरी कार्यालय भगवानकपुरले जनाएको छ ।

मोटरसाइकल ठक्करबाट घाइते भएका बालकलाई उपचारका लागि नेपालगन्ज लैजादैगर्दा बाटोमै मृत्यु भएको इलाका प्रहरी कार्यालय भगवानपुरका इन्चार्ज प्रहरी निरीक्षक राजन रायमाझीले बताए ।

ठक्कर दिने मोटरसाइकललाई खोज्न जिल्ला प्रहरी कार्यालयका प्रहरी नायव उपरीक्षकको कमान्डमा प्रहरी परिचालन भएको उनले बताए । साथै जिल्ला ट्राफिक प्रहरी पनि खोजतलासमा जुटेको इन्चार्ज रायमाझीले जानकारी दिए ।