१२ जेठ, भैरहवा । नेपालगन्जबाट काठमाडौ उडेको बुद्ध एअरको जहाज गौतम बुद्ध अन्तर्राष्ट्रिय विमानस्थल भैरहवामा अवतरण भएको छ । नेपालगन्जबाट यात्रु लिएर काठमाडौका लागि शुक्रवार राती ८ बजे उडेको बुद्ध एअरको यु फोर ४१० नम्बरको जहाज काठमाडौमा मौसम खराबका कारण अवतरण गर्न नसकेपछि राती १० बजेर ८ मिनेटमा भैरहवामा अवतरण गरेको हो ।

लगभग आधा घण्टा बढी काठमाडौ र सिमरा माथि आकाशमै घुमाउदा समेत काठमाडौ एअरपोर्टको मौसममा सुधार नआएपछि जहाजलाई भैरहवा डाइभर्ट गरिएको हो ।