बाँकेको राप्तीसोनारी गाँउपालिकामा आगलागी हुँदा ११ घर र ४ गोठ जलेर नष्ट भएका छन ।
शुक्रबार दिउँसो १ बजेको समयमा सिताराम जैसीको घरबाट सुरु भएको आगो अन्य घरहरु सल्कदाँ ११ घर जलेर नष्ट भएका हुन । ढकेरी प्रहरी चौकीका इन्चार्ज टेक बहादुर केसीका अनुसार आगलागी नियन्त्रणकालागि नेपालगञ्जबाट दमकल झिकाईएको थियो । दमकल घटनास्थल पुग्दासम्म ११ घर र ४ वटा घर आगोले घरानी भएका हुन ।
यसअघि नरैनापुरमा समेत आगलागी भएको थियो । नरैनापुर र राप्तीसोनारी गाँउपालिकाको आफ्नै दमकल नभएका कारण अन्य पालिकासँग भर पर्दै आएका छन । जसले गर्दा समयमै आगो नियन्त्रणमा समस्या हुनुका साथै ठुलो मात्रामा जनधनको क्षती समेत हुँदै आएको छ । यी क्षेत्रमा वर्षेनी आगलागीका घटना हुने गरेका छन ।
२ बैशाख २०७९, शुक्रबार २०:०२ प्रकाशित
