बाँकेको राप्तीसोनारीबाट नेपाली काँग्रेस पार्टी परित्याग गरी दर्जनबढी नेपाली काँग्रेसका कार्यकर्ता माओवादी केन्द्रमा प्रवेश गरेका छन ।
राप्तिसोनारीको वडा नम्बर ६ स्थित सहिद स्मृति पार्कमा आयोजित एक कार्यक्रममा नेपाली काँग्रेसका कार्यकर्ताहरु सो पार्टी परित्याग गरेर माओवादी केन्द्रमा प्रवेश गरेको माओवादी केन्द्र राप्तिसोनारी गाउँपालिका सचिब सुर्यप्रकास घर्तीमगरले जानकारी दिए ।
सचिब मगरका अनुसार, तृष्णा स्यानताङ लामाको नेतृत्वमा सुन्दरी थारु, पिनि थारु, निर्मा थारु, रामदिन थारु, सुरेन्द्र चौधरी, रामलखन थारु, पृथ्वी थारु लगायत दर्जनबढी नेपाली काँग्रेस पार्टी परित्याग गरी नेकपा माओबादी केन्द्रमा प्रवेश गरेका हुन ।
उनिहरुलाई माओवादी केन्द्र लुम्बिनी प्रदेश सदस्य तथा जिल्ला संयोजक आइपी खरेल, प्रदेश सदस्य अमर खड्का, पट्टु थारु, मन्जु रोकाय, गाउँपालिका अध्यक्ष चिमबहादुर घर्ती लगायतले स्वागत गरेका थिए ।
