बाँकेको खजुराबाट पेस्तोलसहित तिन जना लागुऔषध कारोबारी पक्राउ परेका छन । बाँकेको खजुरा गाउँपालिका वडा नं. १ बहादुरपुर बस्ने गल्क्षी भन्ने रबिन्द्र थापाको घरबाट प्रहरीले लागु औषधसहित पेस्तोल बरामद गरेको जनाएको छ ।
थापाको घरमा लागू औषध (ब्राउनसुगर) कारोबार भईरहेको सुचनाको आधारमा ईलाका प्रहरी कार्यालय धनौली र प्रहरी चौकी राधापुरबाट खटिएको संयुक्त प्रहरी टोलीले छापा मारेको थियो । छापा मार्ने क्रममा थापाको साथबाट बाट ९० ग्राम लागू औषध र कालो कलरको म्याग्जिन नभएको अटोमेटिक पेस्तोल बरामद गरीएको जिल्ला प्रहरी कार्यालय बाँकेका सुचना अधिकारी प्रहरी नायव उपरिक्षक मधुसुधन न्यौपानेले जानकारी दिएका छन ।
थापासँगै लागुऔषध कारोबारमा संलग्न बाँकेको खजुरा गाउँपालिका वडा नं. २ बस्ने २७ वर्षिय मनिस थापा र नेपालगन्ज उपमहानगरपालिका वडा नंं. १३ भृकुतिनगर बस्ने २८ वर्षिय सुरेश रोका मगरलाई समेत पक्राउ गरेको प्रहरीले जनाएको छ । पक्राउ परेका तिनै जनामाथी आवश्यक कारबाही प्रक्रिया अगाडी बढाईएको न्यौपानेले जानकारी दिए ।
२३ फाल्गुन २०७८, सोमबार १२:५६ प्रकाशित
