नेकपा (एमाले) नुवाकोटका जिल्ला नेता माधवप्रसाद पाण्डेको नेतृत्वमा एमाले, कांग्रेस र राप्रपाका सुरेश तामाङ, राजन लामा, एकप्रसाद पाण्डे लगायत २०० जना नेता कार्यकर्ता माओवादी केन्द्रमा प्रवेश गरेका छन । त्यसैगरी एमालेका रौतहट जिल्ला नेता सञ्जीव कुमार साहको नेतृत्वमा मधेस प्रदेशबाट विभिन्न पार्टी परित्याग गरी ५०० जना माओवादी केन्द्रमा प्रवेश गरेका छन ।
पाण्डे र साह नेतृत्वको नेता कार्यकर्ताहरुको टोलीलाई माओवादी केन्द्रका अध्यक्ष प्रचण्डले शुक्रबार दिउँसो पार्टी कार्यालय पेरिसडाँडामा एक कार्यक्रमको आयोजना गरी स्वागत गरेका छन । कार्यक्रमलाई सम्बोधन गर्दै अध्यक्ष प्रचण्डले देशैभर माओवादीप्रति व्यापक जनलहर आएको र आगामी दिन यो गति अझै तीव्र हुने बताए ।
२ बैशाख २०७९, शुक्रबार २०:४५ प्रकाशित
