नेकपा माओवादी केन्द्र प्युठान ऐरावती गाउँपालिका संगठन कमिटीको प्रथम सम्मेलन सम्पन्न भएको छ ।
सम्मेलनले पालिका अध्यक्षमा दोर्णप्रसाद पाण्डेलाई निर्वाचित गरेको छ । आज भएको सम्मेलनबाट पाण्डेसहित ५५ सदस्यीय कार्यसमिति सर्वसम्मत निर्विरोध निर्वाचित भएको माओवादी केन्द्र लुम्बिनी प्रदेश प्रतिनिधि तथा पालिका इन्चार्ज बुद्ध बस्नेतले जानकारी दिए ।

समितिको उपाध्यक्षमा रेशम बहादुर थापा, साबित्रा बस्नेत र अर्जुन कुमार पन्थी, सचिवमा भिमेस कुमार घर्तिमगर, सह-सचिवमा मोतिलाल बिश्वकर्मा र कोषाध्यक्षमा हरिहर शर्मा निर्वाचित भएका छन ।
सम्मेलनलाई माओवादी केन्द्रका केन्द्रिय नेता एवं लुम्बिनी प्रदेश सरकारका आर्थिक मामिला तथा सहकारी मन्त्री कृष्णध्वज खड्का, जिल्ला संयोजक कृष्ण अधिकारी लगायतका नेताहरूले सम्बोधन गरेका थिए ।