बाँकेको राप्तिसोनारी गाउँपालिका अन्तर्गतका ९ वटा वडामध्ये, नेकपा माओवादी केन्द्रको आज ७ वटा वडामा अधिवेशन सम्पन्न भएको छ भने २ वटा वडामा बाँकी रहेको छ ।
शनिवार सम्पन्न वडा अधिवेशनमा २ नम्बर वडामा अर्जुन केसीको नेतृत्वमा २९ सदस्यीय कार्यसमिति, ३ नम्बरमा हरी चौधरीको नेतृत्वमा २९ सदस्यीय र ४ नम्बर वडामा मिनराज खड्काको नेतृत्वमा २९ सदस्यीय कार्यसमिति निर्वाचित भएको छ ।

त्यसैगरी, वडा नम्बर ६ मा नरेश यादवको नेतृत्वमा २९ सदस्यीय कार्यसमिति, ७ नम्बरमा जितेन्द्र जिसीको नेतृत्वमा २९ सदस्यीय, ८ नम्बरमा लोकबहादुर खत्रीको नेतृत्वमा २९ सदस्यीय र ९ नम्बरमा दलबहादुर खड्काको नेतृत्वमा २९ सदस्यीय कार्यसमिति चयन भएका छन ।
राप्तिसोनारीका ९ वडामध्ये, ७ वटा वडाका वडा समितिहरु आज सर्वसम्मत रुपमा निर्विरोध निर्वाचित भएका छन । वडा नम्बर १ र ५ मा बिबिध कारणले गर्दा आज हुन नसकेको जनाइएको छ । ती वडाका अधिवेशन पछि गरिने बताइएको छ ।