रोल्पामा आज बेलुका यात्रुवाहक बस दुर्घटना भएको छ । दुर्घटनामा परी ४ जनाको मृत्यु भएको छ ।
दाङको घोराहीबाट रोल्पाको थवाङ जाँदै गरेको ना३ख ५५१८ नम्बरको बस माडी ४ तार्केवाङमा दुर्घटनामा परेको त्यहाँबाट पत्रकार बुद्धिमान वलीले जानकारी दिएका छन ।
पत्रकार वलीका अनुसार बस सहिद मार्गबाट माडी खोलामा खसेको छ । हालसम्म ४ जनाको शव भेटिएको उनले जनाएका छन ।
घटनास्थलमा अहिले प्रहरीले खोजी कार्य र उद्दार गरिरहेको छ । (क्षतिको बिस्तृत विवरण आउन बाँकी )