नेकपा (एकीकृत समाजवादी) को भातृ संगठन युवा संघ, नेपालका लुम्बिनी प्रदेश अध्यक्ष किशोर थापा आज नेपालगन्जमा सवारी दुर्घटनामा परी घाइते भएका छन ।
आज दिउँसो ४ बजेतिर नेपालगन्जको गणेशमान चोकमा थापा सवार मोटरसाइकललाई अर्को मोटरसाइकलले एक्कासी ठक्कर दिँदा दुर्घटनामा परी उनि घाइते भएका हुन ।
दुर्घटना पश्चात् उनलाई उपचारका लागि भेरी अस्पतालमा पुर्‍याइएको थियो । उपचारका क्रममा उनको बायाँ हात र दायाँ खुट्टाको औंला फ्याक्चर भएको चिकित्सकले जानकारी दिएका छन । फ्याक्चर भएको हात र खुट्टाको औंलाको पर्सि शल्यक्रिया गरिने चिकित्सकले बताएका छन ।
अध्यक्ष थापालाई ठक्कर दिने मोटरसाइकल र चालकलाई प्रहरीले नियन्त्रणमा लिएको छ ।