बाँके प्रहरीले आइतबार भारतबाट भन्सार छली गरी नेपाल ल्याउदै गरेका अवैध खसीसहित विभिन्न सामाग्रीहरु र नेपालबाट अवैधरुपमा भारत निकासी गर्न लागेको सुपारी बरामद गरेको जनाएको छ ।
प्रहरीले आइतबार दिउँसो नेपालगन्ज उपमहानगरपालिका वडा नम्बर १५ बाट भारतबाट भन्सार छली गरेर नेपाल ल्याउदै गरेको खसी, लत्ता कपडा, हार्डवेयर सामान तथा बिद्युतिय सामाग्री र नेपालबाट भारततर्फ निकासी गर्न लागेको अवैध सुपारी बरामद गरेको हो ।
बरामद गरेको सामाग्रीको मूल्य १ लाख २६ हजार ४ सय ५० रहेको प्रहरी जनाएको छ । बरामद गरेको उक्त सामाग्री थप कारवाहीकालागि आजै नेपालगन्ज भन्सार कार्यालयमा पठाइएको प्रहरीले जनाएको छ ।
तर, बरामद गरेको उक्त सामाग्री कस्ले ल्याएको हो ? को सङ्ग बरामद गरेको हो ? बेवारिसे हो वा होइन ? सामान ल्याउने मानिस पक्राउ परेकी परेनन ? त्यसबारेमा भने प्रहरी बोलेको छैन ।