नेपालगन्जबाट दुर्लभ वन्यजन्तु सालकको खपेटासहित एक जना पक्राउ परेका छन । सशस्त्र प्रहरी बल नम्बर ३० गण बागेश्वरीबाट खटिएको टोलीले नेपालगन्जको जयसपुरबाट सालकको पेटा सहित एक युवालाई नियन्त्रणमा लिएको हो ।
एक किलो चार सय ग्राम तौलको सालकको खपेटासहित बर्दिया बारबर्दिया नगरपालिका-१ बनगईका २४ वर्षीय नहकुल थापामगरलाई पक्राउ गरिएको उक्त गणका सशस्त्र प्रहरी उपरीक्षक अशोक कुमार बमले जानकारी दिए ।
उक्त सालक भारत तस्करी गर्ने क्रममा सशस्त्र प्रहरीले बरामद गरेको हो । बरामद गरिएको सालक र पक्राउ व्यक्तिलाई डिभिजन वन कार्यालय नेपालगन्जको जिम्मा लगाइएको सशस्त्रले जनाएको छ ।
२८ भाद्र २०७८, सोमबार १७:१४ प्रकाशित
