सिआइबीको इन्स्पेक्टर हुँ भन्दै सर्बसाधारणलाई धम्क्याउँदै हिड्ने एक जनालाई कोहलपुर प्रहरीले पक्राउ गरेको छ । दार्माकोट-२ सल्यानका ३२ वर्षीय दिपेन्द्र रोकायलाई कोहलपुरको बसर्पाकबाट गएराती पक्राउ गरिएको इप्रका कोहलपुरका डिएसपी रविन्द्र खनालले जानकारी दिए ।
रोकायले इन्स्पेक्टर हुँ भनेर स्थानीय, होटेल तथा पसलहरुमा गएर धम्की दिँदै हिँडने गरेको पाइएपछि पक्राउ गरिएको उनले बताए । रोकायलाई हिरासतमा राखेर थप अनुसन्धान भइरहेको पनि उनले जानकारी दिए ।
२१ भाद्र २०७८, सोमबार १५:५८ प्रकाशित
