बाँके प्रहरीले बैंकिङ्ग कसुर मुद्दामा संलग्न भइ फरार रहेका एकजनालाई पक्राउ गरेको छ ।

प्रहरीले कैलालीको टिकापुर स्थायी ठेगाना भइ हाल नेपालगन्ज उपमहानगरपालिका १८, कारकादो बस्ने ३५ बर्षिय महेन्द्र लोहारलाई आज नेपालगन्जबाट पक्राउ गरेको जनाएको छ ।

लोहारलाई बाँके जिल्ला अदालतले २०७६ पौष २३ गते बैंकिङ्ग कसुर मुद्दामा ८ दिन कैद र ११ लाख २५ हजार रुपैयाँ जरीवानाको फैसला गरेको थियो । अदालतको फैसला पश्चात् लोहार हालसम्म फरार रहेको प्रहरीले जनाएको छ ।