जिल्ला प्रहरी कार्यालय बाँकेका प्रमुख एसपी (प्रहरी उपरीक्षक) फेरिएका छन ।
प्रहरी प्रमुखका रुपमा बाँकेमा कार्यरत प्रहरी उपरीक्षक ओमबहादुर राना सरुवा भएर गएका हुन भने बाँकेमा नयाँ प्रहरी उपरीक्षक श्यामकृष्ण अधिकारी आएका छन ।
आइतबार बाँके प्रहरीले एक औपचारिक कार्यक्रम गरी सरुवा भइ जान लागेका एसपी रानालाई बिदाई गर्यो भने नयाँ आएका एसपी अधिकारीलाई स्वागत गरेको छ ।
राना २०७७ साल असार ५ गते देखी बाँके जिल्लामा कार्यालय प्रमुखको रुपमा कार्यरत रहेका थिए । उनको प्रदेश प्रहरी कार्यालय भैरहवामा सरुवा भएको हो ।
त्यसैगरी, नयाँ प्रहरी प्रमुखका रुपमा एसपी श्यामकृष्ण अधिकारी महानगरीय ट्राफिक प्रहरी महाशाखा रामशाहपथ काठमाडौबाट सरुवा बाँके आएका हुन ।
बाँके प्रहरीले इलाका प्रहरी कार्यालय टीकापुर कैलालीबाट सरुवा भइ बाँके आएका डिएसपी (प्रहरी नायब उपरीक्षक) मधुसूदन न्यौपानेलाई पनि आजै स्वागत गरेको छ ।
एसपी रानाको बाँकेमा एकबर्षे कार्यकाल: शान्ति सुरक्षा तथा अपराध नियन्त्रणमा उल्लेख्य कार्य
