बाँके प्रहरीले विभिन्न अपराधमा संलग्न रही फरार भएका अभियुक्तहरुलाई धमाधम समाउँदै आएको छ । गतबर्ष प्रहरी उपरीक्षक ओमबहादुर राना बाँके प्रहरी प्रमुख भएर आए देखिनै यो अभियानलाई प्रहरीले तिब्र रुपमा अगाडी बढाइरहेको छ ।
प्रहरीले आज गौबध मुद्दाका फरार एकजना अभियुक्तलाई पक्राउ गरेको जनाएको छ । गौबध मुद्दा लागि फरार रहेका नेपालगन्ज उपमहानगरपालिका वडा नम्बर १६, जयसपुरका २१ बर्षिय सद्दाम हुसेन जोलाललाई पक्राउ गरेको हो ।
जिल्ला अदालत बाँकेबाट २०७७ पुस ५ गतेको फैसलामा उनलाई गौबध गरेको अभियोगमा २ महिना १७ दिन कैद सजाय तोकिएको थियो ।
बाँकेमा प्रहरी उपरीक्षक राना आएदेखी हालसम्म ५ सय ९० जना फरार अभियुक्तहरु पक्राउ गरी कानूनी दायरामा ल्याइसकेको प्रहरीले जनाएको छ ।
२ असार २०७८, बुधबार १७:५१ प्रकाशित
