तस्बिर गूगलबाट

मगर समुदायले धुमधामकासाथ मनाउने मुख्य पर्व भूम्या मनाउन रुकुम पूर्वको भूमे गाउँपालिकाले दुई दिन स्थानीय बिदा दिएको छ । आज र भोलि स्थानीय बिदा दिइएको गाउँपालिकाले सूचना प्रकाशित गरेर जानकारी दिएको हो ।

गाउँ कार्यपालिकाको निर्णय अनुसार स्थानीय पर्वको अवसरमा बिदा दिइएको गाउँपालिकाका प्रमुख प्रशासकीय अधिकृत चन्द्रसिङ श्रेष्ठले जानकारी दिए ।

भूमे गाउँपालिकासहित सबै वडा कार्यालय, स्वास्थ्य चौकी, सामुदायिक स्वास्थ्य इकाई, सबै सेवा केन्द्र, विद्यालय, बैंक तथा वित्तिय संस्थामा बिदा हुनेछ ।

पर्व मनाउँदा स्वास्थ्य सुरक्षाका मापदण्ड पालना गर्न गाउँपालिका अध्यक्ष रामसुर बुढाले आग्रह गरेका छन । एक महिनासम्म मनाइने भूम्या पर्व यस बर्ष कोरोना सङ्क्रमण जोखिमका कारण सीमित विधिसहित नाचगान गरी मनाइँदैछ ।