नेकपा (माओवादी केन्द्र) का अध्यक्ष पुष्पकमल दाहाल‘प्रचण्ड’ले अहिले धेरै विकल्पमा छलफल गरिरहेको बताएका छन् ।
नेपाली कांग्रेसका सभापति शेर बहादुर देउवाको निवासमा भएको सर्वदलीय बैठकबाट बाहिरिने क्रममा उनले यस्तो प्रतिक्रिया दिएका हुन् ।
“छलफल चलिरहेको छ । विकल्प धेरै छ । विकल्पमाथि छलफल भइरहेको छ । सायद एकछिनपछि निर्णयमा पुग्छौँ,” प्रचण्डले भने ।
राष्ट्रपतिविरुद्ध महाअभियोग लगाउने छलफल भएको हो भन्ने प्रश्नको जबाफ दिँदै प्रचण्डले यसबारे अहिले केही निर्णय नभएको बताएका थिए ।
७ जेष्ठ २०७८, शुक्रबार १३:०८ प्रकाशित
