प्युठानमा कोरोना संक्रमित हुनेको संख्या बढिरहेको छ । शुक्रवार मात्र १ सय ५८ जना कोरोनाका नयाँ संक्रमितहरु थपिएका छन ।
स्वास्थ्य कार्यालय प्युठानका अनुसार जिल्लाका विभिन्न स्थानका १ सय ५८ जनामा कोरोना संक्रमण देखिएको हो । आज थपिएकासहित जिल्लामा कुल संक्रमितको संख्या २ हजार ८७ पुगेको छ भने, ७ सय १७ जना सक्रिय संक्रमित उपचाररत रहेका छन ।
त्यसैगरी, आजै ५२ जना संक्रमितहरु निको भइ डिस्चार्ज भएका छन । योसँगै जिल्लामा कोरोनाबाट निको हुनेको संख्या १ हजार ३ सय ३८ पुगेको छ ।
कोरोना संक्रमणबाट हालसम्म जिल्लाका ३२ जनाले ज्यान गुमाएको स्वास्थ्य कार्यालयले जनाएको छ ।