सत्तारुढ नेकपा एमालेको राष्ट्रिय महाधिवेशन आयोजक कमिटीको बैठक आज बस्दै छ । आज बिहान ११ बजे प्रधानमन्त्री निवास बालुवाटारमा बस्नेगरी डाकिएको बैठकमा विभिन्न ६ वटा एजेन्डामा छलफल हुने बताइएको छ ।
नेकपा एमालेको केन्द्रीय कमिटी राष्ट्रिय महाधिवेशन आयोजक कमिटीमा रुपान्तर भएपछिको आज पहिलो बैठक पहिलो पटक बस्न लागेको हो । बैठकमा सबै सदस्यलाई अनिवार्य उपस्थित हुन भनिएको छ ।
महासचिव ईश्वर पोखरेलले कमिटीका सदस्यहरुलाई अनिवार्य उपस्थित हुन आग्रह गर्दै बैठकको कार्यसूची पठाइएको छ ।
बैठकमा प्रधानमन्त्री तथा एमाले अध्यक्ष केपी शर्मा ओलीले उद्घाटन मन्तव्य दिनेछन । बैठकमा राजनीतिक प्रतिवेदन, कार्यविभाजन, केही संगठनात्मक प्रस्ताव, उपनिर्वाचनको तयारी र समसामयिक प्रस्तावलगायतका विषयहरुमा छलफल गर्ने कार्यसूची तय भएको छ ।