कोहलपुर नगरपालिका १२ रोहिणी खोला नजिकै यात्रुबहाक बस र टिप्पर एकआपसमा ठोक्कीएका छन । शुक्रबार बेलुका सवा ६ बजेको समयमा बस र टिप्पर एक आपसमा ठोक्कीएका हुन । दुर्घटनामा एक जनाको घटना स्थलमै मृत्यु भएको छ भने बसमा सवार ३८ जना घाईते भएका ईलाका प्रहरी कार्यालय कोहलपुरले जनाएको छ । दुर्घटनामा सुर्खेत साटाखानि ५ का जीवन कुमार न्यौपानेको मृत्यु भएको हो ।

प्रहरीका अनुसार उक्त बसमा ३९ जना यात्रु रहेका थिए । सुर्खेतबाट धरान हिडेको बस र बालुवा लोड गरेर कोहलपुरतर्फ आउँदै गरेको टिप्पर कोहलपुरको रोहिणीखोला नजिकै ठोक्कीएका थिए । घाईते सबैको उद्धार गरी नेपालगन्ज मेडिकल कलेज शिक्षण अस्पताल कोहलपुरमा पुर्याईएको छ ।

घटनाको बाँकी विवरण आउन बाँकी छ ।