रजनीकान्तलाई सर्वाधिक प्रतिष्ठित अवार्ड

दक्षिण भारतका सुपरस्टार नायक रजनीकान्तलाई सन् २०१९ को ‘दादा साहेब फाल्के अवार्ड २०२०’बाट सम्मानित गरिने भारतको केन्द्रिय सरकारले बताएको छ । केन्द्रिय सूचना तथा प्रसारण मन्त्री प्रकाश जावडेकरले सामाजिक संजालमा ट्विट गर्दै यसको जानकारी दिएका हुन् ।

उनले, रजनीकान्तलाई चलचित्र क्षेत्रमा गरेको योगदानलाई हेरेर सरकारले यो निर्णय गरेको बताउँदै यसलाई राजनीतिसँग जोड्न नमिल्ने बताए ।

५ सदस्यीय जुरीले यो निर्णय गरेको मन्त्रीले ट्विटमा उल्लेख गरेका छन् । यसअघि सन् २०१८ मा अमिताभ बच्चन, सन् २०१७ मा विनोद खन्ना, सन् २०१६ मा कसिनाथुनी विश्वनाथ, सन् २०१५ मा मनोज कुमारलाई यो अवार्ड दिईएको थियो ।

भारतमा ‘दादा साहेक फाल्के अवार्ड’ सर्वाधिक प्रतिष्ठित अवार्ड मानिन्छ । चलचित्र क्षेत्रमा योगदान दिएका एक कलाकारलाई भारत सरकारले यो अवार्ड प्रदान गर्दै आएको छ ।