१९ वर्षिय युवतीलाई बेहोस बनाई करणी (बलात्कार) गरेको आरोपमा एक युवा पक्राउ परेका छन । बाँके प्रहरीले जुसमा नाईट्राजेपाप नामक लागु औषध मिसाई बेहोस बनाएर हाफ्नै साथीलाई करणी गरेको आरोपमा नेपालगन्जका मिम बहादुर बुढालाई पक्राउ गरेको हो ।

गत मंसिर ५ गते बाँकेको बैजनाथमा रहेको गाभर भ्याली होमस्टेमा घुम्न गएका बुढाले उनिसँगै गएकी युवतीलाई बेहोस बनाएर करणी गरेको प्रहरीले जनाएको छ ।

जिल्ला प्रहरी कार्यालय बाँकेका अनुसार नेपालगञ्ज उप-महानगरपालीका वडा नम्बर २० राँझा निवासी १९ बर्षिय युवतीलाई घुम्न जाने भनी मोटरसाइकलमा बसाली बुढाले गाभर भ्याली होमस्टे पुर्याएका थिए । त्यहाँ पुगेपछि जुसमा नाईट्राजेपाप नामक लागु पदार्थ मिसाई खुवाएर बेहोस बनाई करणी गरेको घटनामा संलग्न भई फरार भएका बुढालाई काठमाण्डौंको हाँडीगाँउबाट पक्राउ गरेको प्रहरीले जनाएको छ ।

हुम्ला सर्केगाड गाउँपालिका वाड नं. १ साबिक जैर गाबिस वाड नं. २ घर भई हाल नेपालगञ्जको राँझा बस्दै आएका २४ वर्षिय मिम बहादुर बुढाले जबरजस्ती करणी गरी फरार भएको उजुरीको आधारमा नेपाल प्रहरीले केन्द्रीय प्रहरी अनुसन्धान ब्यूरोको सहयोगमा उनलाई चैत्र ८ गते पक्राउ गरि कारबाही प्रक्रियामा ल्याईएको प्रहरीले जनाएको छ ।