सात वर्षअघि बुहारीको शरीरमा आगजनी गरी फरार भएका एक ब्यक्तिलाई बाँके प्रहरीले नियन्त्रणमा लिएको छ । दाईजोको निहुँमा आफ्नै बुहारीको शरिरमा मट्टीतेल छर्कि आगजनी गर्ने नरैनापुर गाँउपालिका वडा नं. २ का ७५ वर्षिय हनिफ शेष पक्राउ परेका हुन ।

शेषलाई नरैनापुर गाँउपालिका वडा नं. १ सुईयाबाट ईलाका प्रहरी कार्यालय भगवानपुरका प्रहरी निरिक्षक बसन्त गौतम नेतृत्वमा खटिएको प्रहरी टोलीले शेषलाई नियन्त्रणमा लिएको हो ।

२०७० चैत्र २ गते बाँके लक्ष्मणपुरकी २३ वर्षिय रिहाना शेष (ढपाली0 को शरिरमा मट्टितेल छकिएर आगजनी गरीएको थियो । दाईजोको निहुँदा आफ्नी छोरीमाथी आगजनी गरीएको भन्दै रिहानाका बुवा मोहम्मद समिम शेषले जिल्ला प्रहरी कार्यालय बाँकेमा उजुरी दर्ता गराएका थियो । सोही उजुरीका आधारमा शेषलाई नियन्त्रणमा लिएर जिल्ला अदालत बाँकेमा बुझाईएको प्रहरीले जनाएको छ ।

प्रहरीका अनुसार घटनामा संलग्न रिहानका श्रीमान फरिद शेष ढपाली र सासु सजहाद खाँ भने फरार रहँदै आएका छन ।

यस्तो थियो घटना

रिहानाका श्रीमानले रिहानाका घरपरिवारसँग दाईजो वापत मोटरसाईकल र नगद माग गरेका थिए । उनिहरुको माग गरे अनुसार दाईजो नपाएपछि रिहाना सुतिरहेको स्थानमा मट्टितेल छर्कि आगो लगाईएको थियो । घटना घटीसकेपछि रिहानालाई उपचारकालागि भारत लगिएको र घटनालाई लुकाउने प्रयास गरीएको प्रहरीले जनाएको छ ।

भारतमा केही समय उपचार गरेपछि घरमा ल्याई माईती पक्षलाई जानकारी गराएपछि रिहानाका माईति पक्षले प्रहरीमा जाहेरी दिएका थिए । घटना बाहिर आएपछि रिहानालाई तत्काल भेरी अस्पताल नेपालगन्जमा भर्ना गरीएको थियो । नेपालगन्जमा उपचार सम्भव नभएपछि उनलाई थप उपचारकालागि काठमाण्डौ लगिएको थियो ।

पति फरिद शेषले रिहानालाई मट्टीतेल छर्केर जिउँदै आगो लगाइदिएका थिए । विवाहमा मोटरसाइकल र भैँसी दाइजो नल्याएको निहुँमा उनीमाथि त्यस्तो दुर्व्यवहार गरिएको थियो । सासु, ससुरा समेतको उक्साहटमा रिहानालाई उनका पतिले जलाएका थिए । शरीरको तल्लो भाग पूरै जलेर सख्त घाइते रिहानाको पेटमा रहेको बच्चासमेत खेर गएको थियो । बिभिन्न संघसंस्थाको ६ महिना काठमाडौँमा उनको उपचार भयो । उनी अहिले माईतमै बस्दै आएकी छन ।