बाँकेको कोहलपुरबाट गैंडाको खाग सहित दुई जना पक्राउ परेका छन । ईलाका प्रहरी कार्यालय कोहलपुरका प्रहरी नायब उपरिक्षक रविन्द्र खनालका अनुसार अन्दाजी २ देखि ३ करोड मुल्य बराबरका २ थान गैडाको खागसहित २ जना पक्राउ परेका हुन ।
पक्राउ पर्नेमा नवलपरासी (पुर्ब) बुलिङटार गाँउपालिका वडा नं. २ का ३५ वर्षिय कृष्ण पुलामी मगर र सिन्धुली ग्याङलेख गाँउपालिका वडा नं. ५ का ३४ वर्षिय सुरेश सिंजाली रहेका छन । त्रिभुज आकारका २ थान गैडाको खाग बोकेर हिडिरहेको अवस्थामा प्रहरीले उनिहरुलाई कोहलपुर नगरपालिका ११ दशविगाह क्षेत्रबाट नियन्त्रणमा लिएको खनालले जानकारी दिए ।
पक्राउ परेका दुबैलाई थप अनुसन्धानकालागि जिल्ला बन कार्यालय नेपालगन्ज पठाईएको छ ।
६ चैत्र २०७७, शुक्रबार १६:१५ प्रकाशित
