नेपाल कम्युनिष्ट पार्टी (एमाले) का अध्यक्ष एवं प्रधानमन्त्री केपी शर्मा ओलीले आज संसदीय दलको बैठक बोलाएका छन । प्रधानमन्त्रीको सरकारी निवास बालुवाटारमा आज विहान ११ बजे बैठक बस्न लागेको हो ।
बैठकमा सबै सांसदहरुलाई बोलाइएको छ । बैठकबारे पार्टीका सबै सांसदहरुलाई जानकारी गराइएको प्रमुख सचेतक विशाल भट्टराईले जानकारी दिए । सचेतक भट्टराईले भने, “बैठकका लागि नेता माधवकुमार नेपाल पक्षका सांसदहरुलाई पनि खबर भएको छ ।”
उनका अनुसार नेपाल पक्षका सांसदहरुले बैठकमा आउने वा नआउने बारेमा कुनै प्रतिक्रिया दिएका छैनन् । यद्यपि, उनले सबै सांसदहरु बैठकमा आउने विश्वास व्यक्त गरे ।
आजको बैठकमा नेपाल-खनाल पक्षका सांसदहरु नजाने भएका छन । सो पक्षका एक सांसदले बताए अनुसार आजको बैठक बहिस्कार गरिएको छ ।
५ चैत्र २०७७, बिहीबार ०८:४९ प्रकाशित
